റാന്നി : മലയോരത്തിന്റെ ആരോഗ്യസംരക്ഷണത്തിന് മുതൽകൂട്ടാകാൻ റാന്നി താലൂക്ക് ആശുപത്രിക്ക് പുതിയ കെട്ടിടം നിർമ്മിക്കുന്നു. അടിത്തറ നിർമ്മാണത്തിനായി മണ്ണ് നീക്കുന്ന പണികൾ തുടങ്ങി. ഏഴ് അടിയോളം താഴ്ചയിൽ മണ്ണ് നീക്കേണ്ടതുണ്ട്. മൂന്ന് നിലകളിലായി നിർമ്മിക്കുന്ന കെട്ടിടത്തിന് 17,000 ചതുരശ്ര അടിയാണ് വിസ്തീർണ്ണം. ഏഴ് നിലകൾ നിർമ്മിക്കാൻ കഴിയുന്ന ഉറപ്പോടെയാണ് അടിത്തറയുടെ നിർമ്മാണം നടത്തുക. കഴിഞ്ഞ എൽ.ഡി.എഫ് സർക്കാരിന്റെ ആശുപത്രി കെട്ടിടത്തിനായി ഫണ്ട് അനുവദിച്ചത്. എന്നാൽ സ്ഥലം ഏറ്റെടുപ്പ് നീണ്ടതോടെ നിർമ്മാണം പ്രതിസന്ധിയിലായി. താലൂക്ക് ആശുപത്രിക്ക് പുതിയ കെട്ടിടം നിർമ്മിക്കുന്നതിനായി 15.60 കോടി രൂപയാണ് കിഫ്ബിയിലൂടെ വകയിരുത്തിയിരിക്കുന്നത്. ഇതിൽ ആശുപത്രിക്ക് പുതിയ സ്ഥലം വാങ്ങുന്നതിനായി 3.73 കോടി രൂപ ചെലവഴിച്ചിരുന്നു. 56 സെന്റ് സ്ഥലമാണ് സ്വകാര്യ വ്യക്തികളിൽ നിന്ന് ഏറ്റെടുത്തത്.


പുതിയ കെട്ടിടത്തിൽ
രോഗികൾക്കുള്ള വാർഡുകൾ, പ്രത്യേകം കിടക്ക മുറികൾ, പരിശോധനാ മുറികൾ, ലാബുകൾ, ഓപ്പറേഷൻ തീയേറ്റർ, ലിഫ്റ്റ് സൗകര്യം, ഇലക്ട്രിക് സബ്സ്റ്റേഷൻ, പമ്പ് റൂം, എക്സറേ, സി ടി സ്കാൻ, പാലിയേറ്റീവ് കെയർ, രോഗികൾക്ക് വിശ്രമിക്കാനുള്ള മുറി, ഫിസിയോതെറാപ്പി, ദന്ത പരിശോധനാ വിഭാഗം.


മൂന്ന് നിലകളിലായി പുതിയ കെട്ടിടം.
വിസ്തീർണ്ണം : 17000 ചതുരശ്ര അടി








റാന്നി താലൂക്ക് ആശുപത്രിക്ക് നാലുനിലകൾ വീതമുള്ള രണ്ട് ബ്ലോക്ക് കെട്ടിടങ്ങളാണ് നിലവിൽ ഉള്ളത്. രോഗികൾക്കുള്ള വാർഡുകളും ശബരിമല സ്പെഷ്യൽ വാർഡുകളും ഇവിടെ ക്രമീകരിച്ചിട്ടുണ്ട്. കൂടാതെ ജില്ലയിലെ ഡി -അഡിക്ഷൻ സെന്റർ പ്രവർത്തിക്കുന്നതും റാന്നി താലൂക്ക് ആശുപത്രിയിലാണ്.


ശബരിമലയോട് ഏറ്റവും അടുത്ത സ്ഥിതി ചെയ്യുന്ന താലൂക്ക് ആശുപത്രി എന്ന പ്രത്യേകത റാന്നിക്കുണ്ട്. ദിവസേന ആയിരക്കണക്കിന് രോഗികളാണ് ഇവിടെ എത്തി ചികിത്സ നേടിപോകുന്നത്. ഭൗതിക സാഹചര്യങ്ങൾ മെച്ചപ്പെടുന്നതോടെ ആശുപത്രിയിലെ ചികിത്സ സംവിധാനങ്ങൾ കൂടുതൽ മെച്ചപ്പെടുത്തി രോഗികൾക്ക് വിദഗ്ദ്ധ ചികിത്സ ഉറപ്പാക്കാനാകും.
അഡ്വ.പ്രമോദ് നാരായൺ എംഎൽഎ.

​പ്രിയമുള്ളവരേ...
നമ്മുടെ നാട്ടിൽ എയർടെൽ കമ്പനിയുടെ പുതിയ ടവറുകൾ അത്തികയത്തും ആരംഭിച്ചിരിക്കുന്നു.......
അതിന്റെ ഭാഗമായി നാളെ (02ആഗസ്റ്റ്  വെള്ളി )
നിങ്ങളുടെ നിലവിലെ നമ്പർ മാറാതെ തന്നെസ്പെഷ്യൽ ഓഫിറോടുകൂടി എയർടെൽലേക്ക് മാറാൻ സാധിക്കും 👍.
ഒപ്പം തന്നെ ഒരു മാസത്തെ അൺലിമിറ്റഡ് കാൾ&നെറ്റ്*
ഉൾപ്പടെ നിങ്ങൾക്ക് ലഭിക്കും 👍
കൂടുതൽ വിവരങ്ങൾ ക്കു 
9995676632
ലേക്ക് വിളിക്കുക....👍👍

​റാന്നി - നാറാണംമൂഴി ഗ്രാമപഞ്ചായത്തിലെ കൊച്ചുകുളത്ത് രണ്ടു ദിവസമായി ഭീതി പരത്തി ഒറ്റയാൻ. കാടും വിട്ടു കൃഷിയിടവും നശിപ്പിച്ച ശേഷം കഴിഞ്ഞ രാത്രിയിൽ കുടമുരുട്ടി അംബേദ്‌കർ റോഡിലും കാട്ടാനയെത്തിയതോടെ ജനങ്ങൾ ഭീതിയിലാണ്. രണ്ടു ദിവസം മുമ്പ് കഴിഞ്ഞ രാത്രി കൊച്ചുകുളം എസ്.എൻ.ഡി.പി പ്രാർത്ഥന മന്ദിരത്തിന്റെ തൊട്ടടുത്തുവരെ കാട്ടാന എത്തിയത് പ്രദേശത്ത് പരിഭ്രാന്തി പരത്തി. കൊച്ചുകുളം ഓലിക്കൽ വീട്ടിൽ ഒ.കെ പണിക്കരുടെ പറമ്പിലെ വാഴയും, റബർ തൈമരങ്ങളും, തെങ്ങും ആന നശിപ്പിച്ചിരുന്നു. ജനങ്ങൾ തിങ്ങി പാർക്കുന്ന പ്രദേശങ്ങളിൽ രണ്ടു ദിവസമായി കാട്ടാന ഭീതി പരത്തുകയാണ്. അംബേദ്‌കർ റോഡിലൂടെ ഇറങ്ങി തോട് മുറിച്ചു കടന്നു പറമ്പിലെ മുള്ളുവേലികളും തകർത്തിരുന്നു. സന്ധ്യ മയങ്ങിയാൽ ആനയെ ഭയന്ന് മുറ്റത്ത് പോലും ഇരിങ്ങൽ പറ്റാത്ത അവസ്ഥയാണെനന്നാണ് നാട്ടുകാർ പറയുന്നത്. വനം വകുപ്പ് ഉദ്യോഗസ്ഥരും നാട്ടുകാരും ചേർന്ന് പടക്കം പൊട്ടിച്ചും, ശബ്ദം ഉണ്ടാക്കിയും പുലർച്ചയോടെയാണ് കാട്ടാനയെ പ്രദേശത്തു നിന്നും രണ്ടു ദിവസമായി തുരത്തുന്നത്. പടക്കം പൊട്ടുമ്പോൾ അൽപ ദൂരം മാറി നിന്ന ശേഷം വീണ്ടും അതെ സ്ഥലത്ത് കാട്ടാന എത്തുന്നുണ്ട്.

​റാന്നി - സ്വന്തം ഇലക്ഷൻ പ്രചാരണത്തിന് പാട്ടുപാടി ഹിറ്റായ പത്തനംതിട്ട ജില്ലയിലെ നാറാണംമൂഴി ഗ്രാമ പഞ്ചായത്ത് മുൻ പ്രസിഡന്റ് ബീന ജോബി വീണ്ടും വാർത്തകളിൽ നിറയുന്നു. ഇത്തവണ സംസ്ഥാനം ഉറ്റുനോക്കുന്ന പുതുപ്പള്ളി നിയമസഭാ മണ്ഡലത്തിലെ ഉപതിരഞ്ഞെടുപ്പിൽ യൂ.ഡി.എഫ് സ്ഥാനാർഥി ചാണ്ടി ഉമ്മനുവേണ്ടിയാണ് ബീന ഗാനം ആലപിച്ചിരിക്കുന്നത്. ഒന്നാനാം കുന്നിന്മേൽ എന്ന പാട്ടിൻറെ ഈണത്തിൽ ഒരുക്കിയിരിക്കുന്ന ഗാനം കഴിഞ്ഞ ദിവസം കോട്ടയം വാകത്താനത്ത് നടന്ന ഇലക്ഷൻ കൺവൻഷനിൽ പ്രതിപക്ഷ നേതാവ് വീ.ടി. സതീശൻ പ്രകാശനം ചെയ്തു. 2020 -ൽ സ്വന്തം ഇലക്ഷൻ പ്രചാരത്തിനു പാട്ടുപാടിയ സ്ഥാനാർഥി എന്ന നിലയിൽ ബീന സോഷ്യൽ മീഡിയയിലും വാർത്ത മാധ്യമങ്ങളിലും സ്ഥാനം പിടിച്ചിരുന്നു. കൂടാതെ കഴിഞ്ഞ തവണ റാന്നി നിയസഭ മണ്ഡലത്തിൽ മത്സരിച്ച യൂ.ഡി.എഫ് സ്ഥാനാർഥി റിങ്കു ചെറിയാന് വേണ്ടിയും. തൃക്കാക്കര നിയമസഭാ മണ്ഡലത്തിലെ ഉപതിരഞ്ഞെടുപ്പിൽ മത്സരിച്ച യൂ.ഡി.എഫ് സ്ഥാനാർഥി ഉമാ തോമസിന് വേണ്ടിയും ബീന പാട്ടുകൾ പാടിയിരുന്നു. ആദ്യമായാണ് പഞ്ചായത്ത് തിരഞ്ഞെടുപ്പിൽ മത്സരിച്ചത്. മുൻ ധാരണ പ്രകാരം പ്രസിഡന്റ് സ്ഥാനത്ത് രണ്ടര വർഷം പൂർത്തിയാക്കിയ ബീന പ്രസിഡന്റ് സ്ഥാനം മുമ്പ് രാജി വച്ചിരുന്നു. നിലവിൽ നാറാണംമൂഴി ഗ്രാമപഞ്ചായത്തിലെ  ചെമ്പനോലി വാർഡ് മെമ്പർ സ്ഥാനം വഹിക്കുന്നു.കരോട്ടുപാറ ജോബി കെ.ജോസിന്റെ ഭാര്യയാണ് ബീന

​റാന്നി: നിയന്ത്രണം നഷ്ടപ്പെട്ട സ്വകാര്യ ബസ് റേഷന്‍ കടയിലേക്ക് ഇടിച്ചു  കയറി. ഇന്നു വൈകിട്ട് ആറരയോടെ അത്തിക്കയം ജംങ്ഷനിലാണ് സംഭവം.സംഭവത്തില്‍ ആര്‍ക്കും പരിക്കില്ല.വേഗത കുറവായിരുന്നതിനാലാണ് വലിയ ദുരന്തം ഒഴിവായത്.എരുമേലി- വെച്ചൂച്ചിറ-റാന്നി റൂട്ടില്‍ സര്‍വ്വീസ് നടത്തുന്ന സ്വകാര്യ ബസാണ് അപകടത്തില്‍ പെട്ടത്. ജംങ്ഷനിലെ ഇറക്കം ഇറങ്ങി വന്ന ബസ് റോഡരികില്‍ പാര്‍ക്ക് ചെയ്തിരുന്ന ഓട്ടോറിക്ഷയില്‍ ഇടിച്ച ശേഷമാണ് കടയിലേക്ക് ഇടിച്ചു കയറിയത്. സംഭവത്തില്‍ ഇരു വാഹനങ്ങള്‍ക്കും കേടുപാടുകള്‍ സംഭവിച്ചു.

​റാന്നി: ഇടമുറി ഗവ. ഹയര്‍ സെക്കന്‍ഡറി സ്കൂളില്‍ സ്വാതന്ത്ര്യദിനാഘോഷവും റാലിയും നടത്തി. നാറാണംമൂഴി ഗ്രാമപഞ്ചായത്തംഗം സാംജി ഇടമുറി പതാക ഉയര്‍ത്തി.തുടര്‍ന്ന് കുട്ടികളുടെ റാലി നടന്നു. പി.ടി.എ പ്രസിഡന്‍റ് എം.വി പ്രസന്നകുമാര്‍,പ്രഥമധ്യാപിക പി.കെ ആഷാറാണി,ബി പ്രമോദ്,ശശീന്ദ്രന്‍,സി.ജി ഉമേഷ്, പ്രീതകുമാരി,ഷീജോ ചേന്നമല എന്നിവര്‍ പ്രസംഗിച്ചു.